സെൽറ്റയ്‌ക്കെതിരായ ബാഴ്സലോണയുടെ വാരാന്ത്യ മത്സരം ലമിൻ യമാലിന് നഷ്ടമാകും. അന്താരാഷ്‌ട്ര ഇടവേളയ്ക്ക് തൊട്ടുമുമ്പ് ഉണ്ടായ പരിക്ക് കാരണമാണ് കൗമാരക്കാരനായ ലാമിൻ യമൽ പുറത്തായത്. താരം സുഖം പ്രാപിക്കുന്ന സാഹചര്യത്തിൽ ഒരു റിസ്കും ഇപ്പോൾ എടുക്കേണ്ടതില്ലെന്ന് മാനേജർ ഹൻസി ഫ്ലിക്ക് തീരുമാനിച്ചു.
ബ്രെസ്റ്റിനെതിരായ ബാഴ്സലോണയുടെ നിർണായക ചാമ്പ്യൻസ് ലീഗ് ഏറ്റുമുട്ടലിൻ്റെ സമയത്ത് യമൽ ഫിറ്റ്നസ് വീണ്ടെടുത്ത് കളത്തിൽ എത്തുമെന്ന് പ്രതീക്ഷിക്കുന്നു. ഫ്ലിക്ക് വന്നത് മുതൽ ബാഴ്സലോണയുടെ പ്രധാന അറ്റാക്കിങ് ത്രെറ്റ് ആയി യമാൽ വളർന്നിട്ടുണ്ട്. എങ്കിലും താരത്തിന്റെ ജോലി ഭാരം നിയന്ത്രിച്ച് വലിയ പരിക്കുകൾ താരത്തെ ബാധിക്കാത്ത രീതിയിൽ കളിപ്പിക്കാൻ ആണ് ബാഴ്സലോണ ശ്രമിക്കുന്നത്.
