വനിത സൂപ്പർ ലീഗ് രണ്ടാം മത്സരത്തിൽ സീസണിലെ ആദ്യ ജയം കുറിച്ച് ആഴ്‌സണൽ വനിതകൾ. മാഞ്ചസ്റ്റർ സിറ്റിയോട് ആദ്യ മത്സരത്തിൽ സമനില വഴങ്ങിയ ആഴ്‌സണൽ ലെസ്റ്റർ സിറ്റിയുടെ മികച്ച പോരാട്ടം അതിജീവിച്ചു ആണ് ഏകപക്ഷീയമായ ഒരു ഗോളിന് ജയം കണ്ടത്.
ആഴ്‌സണൽ ആധിപത്യം കണ്ട മത്സരത്തിൽ രണ്ടാം പകുതിയിൽ ലെസ്റ്റർ സിറ്റിയുടെ പിഴവിൽ നിന്നു അലസിയോ റൂസോ നൽകിയ പാസിൽ നിന്നു 55 മത്തെ മിനിറ്റിൽ ഫ്രിദ മാനം ആണ് ആഴ്‌സണലിന് വിജയഗോൾ സമ്മാനിച്ചത്. ജയത്തോടെ ലീഗിൽ ആഴ്‌സണൽ മൂന്നാം സ്ഥാനത്ത് എത്തി. ആദ്യ 2 കളികളും ജയിച്ച ചെൽസിയും, മാഞ്ചസ്റ്റർ യുണൈറ്റഡും ആണ് ആദ്യ 2 സ്ഥാനങ്ങളിൽ.
