ഇറ്റാലിയൻ സീരി എയിൽ തുടർച്ചയായ മൂന്നു ഗോൾരഹിത സമനിലകൾക്ക് ശേഷം വമ്പൻ ജയവുമായി യുവന്റസ് ലീഗ് തലപ്പത്ത്. ജെനോവക്ക് എതിരെ ഗോൾ രഹിതമായ ആദ്യ പകുതിക്ക് ശേഷം രണ്ടാം പകുതിയിൽ 3 ഗോളുകൾ നേടിയാണ് യുവന്റസ് ജയം കണ്ടത്. 48 മത്തെ മിനിറ്റിൽ പെനാൽട്ടിയിലൂടെ ഗോൾ നേടിയ വ്ലാഹോവിച് 55 മത്തെ മിനിറ്റിൽ രണ്ടാം ഗോളും നേടി യുവന്റസ് മുൻതൂക്കം ഇരട്ടിയാക്കി.
തുടർന്ന് 89 മത്തെ മിനിറ്റിൽ ഗോൾ നേടിയ ഫ്രാൻസിസ്കോ ആണ് യുവന്റസ് ജയം പൂർത്തിയാക്കിയത്. അതേസമയം ആവേശകരമായ പോരാട്ടത്തിൽ ഉഡിനെസെയെ നിലവിലെ ജേതാക്കൾ ആയ ഇന്റർ മിലാൻ 3-2 നു തോൽപ്പിച്ചു. ലൗടാരോ മാർട്ടിനസിന്റെ ഇരട്ടഗോൾ ആണ് അവർക്ക് ജയം നൽകിയത്. ജയത്തോടെ ഇന്റർ ലീഗിൽ നാലാം സ്ഥാനത്തേക്ക് കയറി.
