ഇംഗ്ലീഷ് പ്രീമിയർ ലീഗിൽ ഇന്ന് നടന്ന മത്സരത്തിൽ ക്രിസ്റ്റൽ പാലസ് ചെൽസിയെ സമനിലയിൽ തളച്ചു. ചെൽസിയുടെ ഹോം ആയ സ്റ്റാം ഫ്ശ് ബ്രിഡ്ജിൽ നടന്ന മത്സരം 1-1 എന്ന സ്കോറിലാണ് അവസാനിച്ചത്. ഫോമിലേക്ക് തിരിച്ചു വരികയായിരുന്ന ചെൽസിക്ക് ഈ സമനില തിരിച്ചടിയാണ്. ഇന്ന് മത്സരത്തിന്റെ ആദ്യ പകുതിയിൽ നിക്കോളാസ് ജാക്സനിലൂടെയാണ് ചെൽസി ലീഡ് എടുത്തത്.
കോൾപാമറിന്റെ അസിസ്റ്റിൽ നിന്നായിരുന്നു ഈ ഗോൾ. ആദ്യ പകുതിയിൽ ഈ ലീഡ് നിലനിർത്താൻ ചെൽസിക്ക് ആയി. രണ്ടാം പകുതിയിൽ തുടക്കത്തിൽ തന്നെ എസെ ക്രിസ്റ്റൽ പാലസിന് സമനില നൽകി. അവരുടെ അറ്റാക്കിങ് താരം മികച്ച സ്ട്രൈക്കിലൂടെ വല കണ്ടെത്തുകയായിരുന്നു. ഇതോടെ സ്കോർ 1-1 എന്നായി.
ഇതിനുശേഷം ചെൽസി വിജയഗോളിനായി ചെൽസി ഏറെ ശ്രമിച്ചു എങ്കിലും ക്രിസ്റ്റൽ പാലസ് ഡിഫൻസ് ഭേദിക്കാൻ അവർക്ക് ആയില്ല. മൂന്ന് മത്സരങ്ങൾ കഴിഞ്ഞപ്പോൾ ചെൽസിക്ക് നാലു പോയിന്റ് മാത്രമാണുള്ളത്. ക്രിസ്റ്റൽ പാലസിന് ഇത് സീസണിലെ ആദ്യ പോയിന്റാണ്‌.
