സ്പാനിഷ് ലാ ലീഗയിൽ റയൽ മാഡ്രിഡിനു ആയുള്ള അരങ്ങേറ്റ മത്സരത്തിൽ തന്നെ പുതിയ റെക്കോർഡ് കുറിച്ച് ബ്രസീലിയൻ യുവതാരം എൻഡ്രിക്. റയൽ വയ്യഡോയൊഡിനു എതിരായ റയൽ മാഡ്രിഡിന്റെ 3-0 ന്റെ ജയത്തിൽ അവസാന ഗോൾ ആണ് എൻഡ്രിക് നേടിയത്. പകരക്കാരനായി ഇറങ്ങി 10 മിനിറ്റ് കളിച്ച താരം 96 മത്തെ മിനിറ്റിൽ ഉഗ്രൻ അടിയിലൂടെ ബ്രാഹിം ഡിയാസിന്റെ പാസിൽ നിന്നാണ് ഗോൾ നേടിയത്.
കിലിയൻ എംബപ്പെക്ക് പകരക്കാരനായി ഇറങ്ങി തന്റെ അരങ്ങേറ്റം ഗംഭീരമാക്കിയ ബ്രസീലിയൻ യുവതാരം ഇതോടെ റയൽ മാഡ്രിഡ് ചരിത്രത്തിൽ അവർക്ക് ആയി സ്പാനിഷ് ലാ ലീഗയിൽ ഗോൾ നേടുന്ന ഏറ്റവും പ്രായം കുറഞ്ഞ വിദേശതാരമായി മാറി. 18 വയസ്സും 35 ദിവസവും മാത്രം പ്രായമുള്ള എൻഡ്രിക് ഗോളിലൂടെ റയൽ മാഡ്രിഡ് ചരിത്ര പുസ്തകത്തിൽ ആണ് ഇതോടെ സ്ഥാനം പിടിച്ചത്.
