ലാലിഗ സീസണിൽ തുടർച്ചയായ രണ്ടാം വിജയവുമായി ബാഴ്സലോണ. ഇന്ന് ഹോം ഗ്രൗണ്ടിൽ വെച്ച് അത്ലറ്റിക് ബിൽബാവോയെ നേരിട്ട ബാഴ്സലോണ ഒന്നിനെതിരെ രണ്ടു ഗോളുകളുടെ വിജയമാണ് നേടിയത്. ലമിനെ യമാലും ലെവൻഡോസ്കിയും ആണ് ബാഴ്സലോണയുടെ ഗോളുകൾ നേടിയത്.
24ആം മിനുട്ടിൽ ബോക്സിന് പുറത്ത് നിന്ന് ഒരു നല്ല ഇടം കാലൻ ഫിനിഷിലൂടെ ലമിനെ യമാൽ ആണ് ബാഴ്സലോണക്ക് ലീഡ് നൽകിയത്. 42ആം മിനുട്ടിൽ ഒരു പെനാൾട്ടിയിലൂടെ അത്ലറ്റിക് കളിയിലേക്ക് തിരികെയെത്തി.
75ആം മിനുട്ടിൽ ആണ് ലെവൻഡോസ്കിയുടെ വിജയ ഗോൾ വന്നത്. നേരത്തെ ലെവൻഡോസ്കിയുടെ ഒരു ഷോട്ട് പോസ്റ്റിൽ തട്ടി മടങ്ങിയിരുന്നു. ഈ വിജയത്തോടെ 6 പോയിന്റുമായി ബാഴ്സലോണ ലീഗിൽ രണ്ടാം സ്ഥാനത്ത് നിൽക്കുകയാണ്.
