മുൻ ഇന്ത്യൻ ബാറ്റ്‌സ്മാൻ വിവിഎസ് ലക്ഷ്മൺ ബെംഗളൂരുവിലെ ദേശീയ ക്രിക്കറ്റ് അക്കാദമിയുടെ തലപ്പത്ത് തുടരും. അദ്ദേഹത്തിന്റെ കരാർ ഒരു വർഷത്തേക്ക് കൂടെ നീട്ടും. അദ്ദേഹത്തിൻ്റെ നിലവിലെ കരാർ ഈ സെപ്തംബറിൽ ആണ് അവസാനിക്കേണ്ടത്. ലക്ഷ്മൺ തൽ സ്ഥാനത്ത് തുടരും എന്ന് ജയ് ഷാ പറഞ്ഞു.
ഇന്ത്യൻ ആഭ്യന്തര ക്രിക്കറ്റിലെ പ്രമുഖരായ ശിതാൻഷു കൊട്ടക്, സായിരാജ് ബഹുതുലെ, ഹൃഷികേശ് കനിത്കർ എന്നിവരുൾപ്പെടെയുള്ള പരിശീലകരുടെ ടീം ലക്ഷ്മണൊപ്പക് എൻ സി എയിൽ ഉണ്ട്. ബെംഗളൂരുവിൻ്റെ പുതിയ അത്യാധുനിക എൻസിഎ കാമ്പസിൻ്റെ ഉദ്ഘാടനം അടുത്ത മാസം നടക്കാൻ ഇരിക്കെ ആണ് ലക്ഷ്മണ് പുതിയ കരാർ നൽകുന്നത്.
