ബെൻഫിക്ക വിംഗർ ഡേവിഡ് നെറസ് നാപോളിയിൽ എത്തും. നാപോളി താരവുമായി കരാർ ധാരണയിൽ എത്തി. 4 വർഷത്തെ കരാർ താരം ഒപ്പുവെക്കും. നാപോളി ഇന്ന് ഔദ്യോഗികമായി ബിഡ് സമർപ്പിക്കും. ബെൻഫികയും താരത്തെ വിൽക്കാൻ തയ്യാറാണ്. 25 മില്യൺ യൂറോയുടെ ബിഡ് ആകും നാപോളി നൽകുക. ഈ ആഴ്ച തന്നെ ട്രാൻസ്ഫർ പൂർത്തിയാക്കാൻ ആകും എന്ന് നാപോളി വിശ്വസിക്കുന്നു.
പോർച്ചുഗലിൽ രണ്ട് വർഷമായി നെറസ് കളിക്കുന്നു. 27 കാരനായ വിംഗർ കഴിഞ്ഞ സീസണിൽ പോർച്ചുഗീസ് ലീഗിൽ 5 ഗോളും 7 അസിസ്റ്റും സംഭാവന നൽകിയിരുന്നു. മുമ്പ് അയാക്സ്, ശക്തർ എന്നീ ക്ലബുകൾക്ക് ആയും താരം കളിച്ചിട്ടുണ്ട്.
