പാരിസ് ഒളിമ്പിക്സിലേ 3000 മീറ്റര്‍ സ്റ്റീപ്പിള്‍ ചേസിൽ അവിനാശ് സാബ്ളേ ഫൈനലിലേക്ക് യോഗ്യത നേടി. മത്സരത്തിന്റെ രണ്ടാം ഹീറ്റ്സിലെ അഞ്ചാം സ്ഥാനക്കാരനായാണ് സാബ്ളേ യോഗ്യത നേടിയത്.
ഓരോ ഹീറ്റ്സിലെയും ആദ്യ അഞ്ച് സ്ഥാനക്കാരാണ് ഫൈനലിലേക്ക് യോഗ്യത നേടുന്നത്. ആദ്യ ലാപ്പുകളിൽ ഒന്നാം സ്ഥാനത്തായിരുന്ന സാബ്ളേ മൂന്ന് റൗണ്ട് ബാക്കിയുള്ളപ്പോള്‍ നാലാം സ്ഥാനത്തേക്ക് പിന്തള്ളപ്പെട്ടു. അവസാന രണ്ട് ലാപ്പിലേക്ക് മത്സരം കടന്നപ്പോള്‍ ഇന്ത്യന്‍ താരം രണ്ടാം സ്ഥാനത്തേക്കുയര്‍ന്നു.
അവസാന ലാപ്പിലേക്ക് കടന്നപ്പോള്‍ ഇന്ത്യന്‍ താരം മൂന്നാമതായിരുന്നുവെങ്കിലും അഞ്ചാം സ്ഥാനത്ത് താരം ഫിനിഷ് ചെയ്ത് ഫൈനലിലേക്ക് യോഗ്യത നേടി.
