ബ്രിട്ടനെതിരെ ക്വാർട്ടർ പോരാട്ടത്തിൽ ചുവപ്പ് കാർഡ് കണ്ട ഇന്ത്യയുടെ അമിത് രോഹിദാസിന് പാരീസ് ഒളിമ്പിക്‌സ് സെമിഫൈനൽ പോരാട്ടം നഷ്ടമാകുമെന്ന് ഹോക്കി ഇൻ്റർനാഷണൽ ഫെഡറേഷൻ അറിയിച്ചു. ഇന്ന് ചുവപ്പ് കാർഡ് കിട്ടിയ രോഹിദാസിന് ഒരു മത്സരത്തിലെ വിലക്ക് ആണ് ലഭിച്ചിരിക്കുന്നത്. ഇന്ത്യ ഈ വിധിക്ക് എതിരെ അപ്പീൽ നൽകും.
ക്വാർട്ടറിൽ രണ്ടാം ക്വാർട്ടറിൽ രോഹിദാസിനെ നഷ്ടപ്പെട്ടു എങ്കിലും 10 പേരുമായി കളിച്ച് വിജയിക്കാൻ ഇന്ത്യക്ക് ആയിരുന്നു. ഇന്ത്യ അപ്പീൽ നൽകി എങ്കിലും 31-കാരൻ പാരീസ് ഒളിമ്പിക്സിൽ സെമി ഫൈനൽ പോരാട്ടത്തിൽ ഉണ്ടാകില്ല. ഓഗസ്റ്റ് 6നാണ് സെമി ഫൈനൽ നടക്കുന്നത്.
