ഡ്യൂറണ്ട് കപ്പിലെ രണ്ടാം മത്സരത്തിൽ കേരള ബ്ലാസ്റ്റേഴ്സിന് സമനില. ഇന്ന് പഞ്ചാബ് എഫ് സിയെ നേരിട്ട കേരള ബ്ലാസ്റ്റേഴ്സ് 1-1 എന്ന സമനിലയാണ് വഴങ്ങിയത്. ഇന്ന് കൊൽക്കത്തയിൽ സാൾട്ട് ലൈക്ക് സ്റ്റേഡിയത്തിൽ നടന്ന മത്സരത്തിൽ തുടക്കത്തിൽ കേരള ബ്ലാസ്റ്റേഴ്സ് ഒരു ഗോളിന് പിറകിൽ പോയെങ്കിലും തിരിച്ചടിച്ചുകൊണ്ട് സമനില സ്വന്തമാക്കുകയായിരുന്നു.
ആദ്യ പകുതിയുടെ അവസാനം ലൂക്കാ ആണ് പഞ്ചാബിനായി ഗോൾ നേടിയത്. രണ്ടാം പകുതിയിൽ സബ്ബായി അയ്മനെ എത്തിച്ച പരിശീലകൻ സ്റ്റാറെ കേരള ബ്ലാസ്റ്റേഴ്സിന് സമനില ഗോളിനുള്ള വഴിയൊരുക്കി നൽകി. പെപ്ര നല്ലിയ നൽകിയ പാസിൽ നിന്നായിരുന്നു ഐമന്റെ സമനില ഗോൾ. ഇതോടെ സ്കോർ 1-1 എന്നായി.
ഇതിനുശേഷം കേരള ബ്ലാസ്റ്റേഴ്സ് വിജയഗോളിനായി ആഞ്ഞു ശ്രമിച്ചു എങ്കിലും വിജയഗോൾ വന്നില്ല. കേരള ബ്ലാസ്റ്റേഴ്സ് ഇപ്പോൾ നാലു പോയിന്റുമായി ഗ്രൂപ്പിൽ ഒന്നാമത് നിൽക്കുകയാണ്. ഇനി അടുത്ത മത്സരത്തിൽ കേരള ബ്ലാസ്റ്റേഴ്സ് സി ഐ എസ് എഫിനെ നേരിടും. ഗ്രൂപ്പിൽ ആദ്യ മത്സരത്തിൽ കേരള ബ്ലാസ്റ്റേഴ്സ് മുംബൈ സിറ്റിയെ എട്ടു ഗോളുകൾക്ക് പരാജയപ്പെടുത്തുന്നു. പഞ്ചാബും അവരുടെ ഗ്രൂപ്പിൽ ആദ്യ മത്സരം വിജയിച്ചിരുന്നു.
