പാരീസ് ഒളിമ്പിക്സിൽ ഇന്ത്യയുടെ ജസ്‌വിൻ ആൾഡ്രിനു ലോങ് ജംപിൽ ഫൈനലിലേക്ക് യോഗ്യത നേടാൻ ആയില്ല. ഗ്രൂപ്പ് ബിയിൽ യോഗ്യതക്ക് ഇറങ്ങിയ ജസ്‌വിനു 7.61 മീറ്റർ എന്ന ദൂരം ആണ് ചാടാൻ ആയത്. ആദ്യ രണ്ട് ശ്രമങ്ങളും ഫൗൾ ആയപ്പോൾ മൂന്നാം ശ്രമത്തിൽ ആണ് താരം ഇത് മറികടന്നത്.
8.15 മീറ്റർ ചാടിയാൽ ഫൈനലിലേക്ക് നേരിട്ട് യോഗ്യത ലഭിക്കുമായിരുന്നു. അല്ലെങ്കിൽ യോഗ്യതയിൽ ആദ്യ 12 എത്തണം ആയിരുന്നു. എന്നാൽ ഇന്ത്യൻ താരത്തിന് 16 പേർ അടങ്ങിയ ഗ്രൂപ്പ് ബിയിൽ നിന്നു 13 സ്ഥാനം ആണ് നേടാൻ ആയത്. പാരീസിൽ അത്ലറ്റിക്സിൽ ഇന്ത്യൻ നിരാശ തുടരുകയാണ് നിലവിൽ.
