ഇന്ന് ഇംഗ്ലീഷ് പ്രീമിയർ ലീഗിൽ നോടിങ്ഹാം ഫോറസ്റ്റിനെ നേരിട്ട ചെൽസി രണ്ടിനെതിരെ മൂന്നു ഗോളുകളുടെ വിജയം നേടി. ഒരു ഘട്ടത്തിൽ 1-2ന് പിറകിൽ ആയിരുന്ന ചെൽസി ശക്തമായി തിരിച്ചടിച്ചാണ് 3-2ന്റെ വിജയം ഉറപ്പിച്ചത്. ഇന്ന് എട്ടാം മിനിറ്റിൽ മുഡ്രിചിന്റെ ഗോളിലൂടെ ചെൽസി ലീഡ് എടുത്തിരുന്നു. പതിനാറാം മിനിറ്റിൽ വില്ലി ബോളിയിലൂടെ ഫോറസ്റ്റ് സമനില നേടി.
രണ്ടാം പകുതിയിൽ 75ആം മിനിട്ടിൽ മുൻ ചെൽസിതാരം ഹൊഡ്സൺ ഒഡോയിയിലൂടെ ഫോറസ്റ്റ് ലീഡും എടുത്തു. പിന്നീടായിരുന്നു ചെൽസിയുടെ തിരിച്ചുവരവ്. 80ആം മിനിട്ടിൽ റഹീം സ്റ്റെർലിങ് ചെൽസിക്ക് ആയി സമനില നേടി. അതുകഴിഞ്ഞ് 2 മിനിട്ടിനകം റീസ് ജെയിംസ് നൽകിയ ഒരു ക്രോസിൽ നിന്ന് ഒരു ഹെഡറിലൂടെ നിക്ലസ് ജാക്സൺ വിജയ ഗോളും നേടി.
ഈ വിജയത്തോടെ ജെൻസി 57 പോയിന്റുമായി ഏഴാം സ്ഥാനത്ത് നിൽക്കുകയാണ്. ആറാമതുള്ള ന്യൂകാസിലിനും 57 പോയിന്റ് തന്നെയാണുള്ളത്. എന്നാൽ മികച്ച ഗോൾ ഡിഫറൻസ് അവരെ മുന്നിൽ നിർത്തുന്നു.
