ജോർഗെ പെരേര ഡിയസ് മുംബൈ സിറ്റി വിടും. മുംബൈ സിറ്റി താരത്തെ ബെംഗളൂരു എഫ് സി സ്വന്തമാക്കിയതായി പ്രമുഖ മാധ്യമ പ്രവർത്തകൻ മാർക്കസ് റിപ്പോർട്ട് ചെയ്യുന്നു. ഡിയസിന്റെ മുംബൈ സിറ്റിയിലെ കരാർ ഈ സീസണോടെ അവസാനിക്കും. ഡിയസ് ഐ എസ് എൽ ഫൈനലിൽ നിർണായക ഗോൾ നേടി അവരെ ചാമ്പ്യന്മാരാക്കുന്നതിൽ നിർണായക പങ്കുവഹിച്ചിരുന്നു.
മുൻ കേരള ബ്ലാസ്റ്റേഴ്സ് താരമായ ഡിയസ് അവസാന രണ്ട് സീസൺ ആയി മുംബൈ സിറ്റിക്ക് ഒപ്പം ഉണ്ട്. ഐ എസ് എല്ലിൽ ഇതുവരെ 58 മത്സരങ്ങളിൽ നിന്ന് 29 ഗോളുകൾ നേടുകയും 8 അസിസ്റ്റുകൾ സംഭാവന ചെയ്യുകയും ചെയ്ത താരമാണ് ഡിയസ്. ഈ സീസണിൽ 17 മത്സരങ്ങളിൽ നിന്ന് 10 ഗോളുകളും താരം നേടി.
കേരള ബ്ലാസ്റ്റേഴ്സിലൂടെ ആയിരുന്നു താരം ഇന്ത്യയിൽ എത്തിയത്. ബ്ലാസ്റ്റേഴ്സിനായി ആദ്യ സീസണിൽ എട്ട് ഗോളുകളും ഒരു അസിസ്റ്റും സംഭാവന ചെയ്യാൻ ഡിയസിനായിരുന്നു.
