ടീം ക്യാപ്റ്റന്മാരിൽ ഒരാളായ സെർജി റോബർട്ടോയ്ക്ക് ബാഴ്സലോണയിൽ പുതിയ കരാർ. 2025വരെയുള്ള കരാർ ആകും താരം ഒപ്പുവെക്കുന്നത്. നിലവിൽ ഉള്ള 400 മില്യൺ താരത്തിന്റെ ബൈ ഔട്ട് ക്ലോസ് ആയി തുടരും. ഇതു സംബന്ധിച്ച് ഔദ്യോഗിക പ്രഖ്യാപനം ഉടൻ വരും എന്നാണ് റിപ്പോർട്ടുകൾ. സാവി ക്ലബിൽ തുടരും എന്നതാണ് സീജി രൊർബേർടോയും തുടരാനുള്ള കാരണം.
സീസണിൽ തുടർച്ചയായ അവസരങ്ങൾ ലഭിക്കുന്നില്ലെങ്കിലും ടീമിൽ തുടരാൻ സെർജി റൊബേർടോ തയ്യാറാണ്. ഈ സീസണിൽ ആകെ 10 മത്സരങ്ങൾ മാത്രമെ ലീഗിൽ സെർജി റൊബേർടോ കളിച്ചിട്ടുള്ളൂ. 18 വർഷത്തോളമായി താരം ബാഴ്സലോണക്ക് ഒപ്പം ഉണ്ട്.
