ഇന്ന് ലക്നൗ സൂപ്പർ ജയന്റ്സിനായി അരങ്ങേറ്റം കുറിച്ച് 21കാരനായ പേസർ മായങ്ക് യാദവ് ഏവരെയും ഞെട്ടിച്ചു. ഇന്ത്യൻ ക്രിക്കറ്റിന് അപൂർവമായി ലഭിക്കുന്ന പേസ് ആണ് മായങ്ക് യാദവിൽ ഇന്ന് കണ്ടത്. ഇന്ന് 150 മുകളിൽ സ്ഥിരമായി പന്തറിഞ്ഞുകൊണ്ട് ബാറ്റർമാരെ വിറപ്പിക്കാൻ മായങ്കിനായി. ഈ ഐപിഎല്ലിലെ ഏറ്റവും വേഗതയാർന്ന പന്തും ഇന്ന് മായങ്കിന്റെ സ്പെല്ലിൽ പിറന്നു.
വിജയത്തിൽ നിർണായക പങ്കുവഹിച്ച മായങ്ക് നാൽ ഓവറിൽ 27 റൺസ് മാത്രം വഴങ്ങി 3 വലിയ വിക്കറ്റുകൾ വീഴ്ത്തി. ബയർസ്റ്റോ, പ്രബ്ശിമ്രൻ പിന്നെ ജിതേഷ് ശർമ്മ എന്നീ മൂന്നുപേരും ആണ് മായങ്കിന്റെ പന്തിൽ ഇന്ന് പുറത്തായത്. 155.80 കിലോമീറ്റർ ആയിരുന്നു മായങ്ക് ഇന്ന് എറിഞ്ഞ ഏറ്റവും വേഗതയാർന്ന ബോൾ. ഇത് ഈ സീസൺ ഐ പി എല്ലിൽ ഇതുവരെയുള്ള ഏറ്റവും വേഗതയാർന്ന പന്ത് കൂടിയാണ്.
155നു മുകളിൽ സ്പീഡിൽ ഇതിനുമുമ്പ് ഐപിഎല്ലിൽ ഒരു ഇന്ത്യക്കാരൻ മാത്രമെ ബൗൾ എറിഞ്ഞിട്ടുണ്ടായിരുന്നുള്ളൂ. അത് ഉമ്രാൻ മാലിക് ആയിരുന്നു. ഇന്ന് മായങ്കിന്റെ നാലോവറിൽ 8 പന്തുകൾ 150നു മുകളിൽ വേഗതയിലായിരുന്നു വന്നത്. ഒരു പന്ത് പോലും 140ന് പിറകിലേക്ക് ആയതുമില്ല. അത്രയ്ക്ക് പേസിന് പ്രാധാന്യം നൽകിയാണ് മായങ്ക് പഞെറിയുന്നത്. 21കാരനെ വെറും 20 ലക്ഷം രൂപക്ക് ആയിരുന്നു ലക്നൗ കഴിഞ്ഞ ഓപ്ഷനിൽ സ്വന്തമാക്കിയത്.
