ശ്രീലങ്കൻ ടി20 ഐ ക്യാപ്റ്റൻ വനിന്ദു ഹസരംഗ ഐ പി എൽ കളിക്കാൻ എത്തുന്നത് ഇനിയും വൈകും. താരത്തിന് ഇനിയും ഒരാഴ്ചയെങ്കിലും ഐ പി എൽ മത്സരങ്ങൾ നഷ്ടമാകുമെന്നാണ് വരുന്ന റിപ്പോർട്ടുകൾ. സൺറൈസേഴ്‌സ് ഹൈദരാബാദിൻ്റെ (എസ്ആർഎച്ച്) താരത്തിന് ഇടത് കാലിനേറ്റ പരിക്കാണ് പ്രശ്നമാകുന്നത്.
കൂടുതൽ ചികിത്സക്ക് ആയി അദ്ദേഹം ശ്രീലങ്ക വിടുമെന്നാണ് കരുതുന്നത്. ഐപിഎൽ മിനി ലേലത്തിൽ എസ്ആർഎച്ച് 1.5 കോടി രൂപയ്ക്കാണ് ഹസരംഗയെ സ്വന്തമാക്കിയിരുന്നത്. ഐപിഎൽ 2022 സീസണിൽ 26 വിക്കറ്റുകൾ നേടാൻ ഹസരംഗയ്ക്ക് ആയിരുന്നു.
