ഇന്ത്യൻ സൂപ്പർ ലീഗിലെ ശ്രദ്ധേയമായ അരങ്ങേറ്റ സീസൺ ആസ്വദിക്കുന്ന നെസ്റ്റർ ആൽബിയച്ചിൻ്റെ കരാർ നോർത്ത് ഈസ്റ്റ് യുണൈറ്റഡ് പുതുക്കി. ഇതു സംബന്ധിച്ച ഔദ്യോഗിക പ്രഖ്യാപനം ഇന്നു വന്നു. സമ്മർ ട്രാൻസ്ഫർ വിൻഡോയിൽ റയോ മജദഹോണ്ടയിൽ നിന്ന് ആയിരുന്നു സ്പാനിഷ് ഫോർവേഡ് നോർത്ത് ഈസ്റ്റിൽ എത്തിയത്.
നെസ്റ്റർ ഈ സീസണിലെ 6 ഗോളുകളും 3 അസിസ്റ്റുകളും നേടിയിട്ടുണ്ട്. അദ്ദേഹത്തിൻ്റെ ഗോൾ സ്‌കോറിംഗ് കഴിവും പ്ലേ മേക്കിംഗ് കഴിവുകളും അദ്ദേഹത്തെ ടീമിൻ്റെ ഏറ്റവും നിർണായക താരമാക്കി മാറ്റി.
“നെസ്റ്ററിന്റെ പ്രകടനം സീസണിലുടനീളം മികച്ചതായിരുന്നു. കളിക്കളത്തിലും പുറത്തും അദ്ദേഹത്തിൻ്റെ സ്വാധീനം അദ്ദേഹത്തിൻ്റെ സഹതാരങ്ങൾക്ക് നല്ല മാതൃകയാണ്. അദ്ദേഹത്തിൻ്റെ കരാർ നീട്ടുന്നതിൽ ഞങ്ങൾക്ക് സന്തോഷമുണ്ട്” ഹെഡ് കോച്ച് ജുവാൻ പെഡ്രോ ബെനാലി പറഞ്ഞു.
