രവി ബിഷ്ണോയിയെ രണ്ടാം സൂപ്പര്‍ ഓവറിൽ പന്ത് രോഹിത് ശര്‍മ്മ ഏല്പിക്കുമ്പോള്‍ അതിന് മുമ്പ് പന്തെറിയുവാന്‍ ഇരുന്നത് അവേശ് ഖാന്‍ ആയിരുന്നു. എന്നാൽ അവസാന നിമിഷമാണ് ഈ മാറ്റത്തിന് രോഹിത് ശര്‍മ്മ തുനിഞ്ഞത്. 11 റൺസ് വിജയ ലക്ഷ്യം തേടിയിറങ്ങിയ അഫ്ഗാനിസ്ഥാന് എന്നാൽ ഒരു റൺസ് മാത്രമാണ് നേടാനായത്.
ഇത്തരം സമ്മര്‍ദ്ദ ഘട്ടത്തിലുള്ള രോഹിത്തിന്റെ ഇതു പോലുള്ള നിര്‍ണ്ണായക തീരുമാനങ്ങള്‍ പ്രശംസനീയമാണെന്നാണ് ഇന്ത്യന്‍ മുഖ്യ കോച്ച് രാഹുല്‍ ദ്രാവിഡ് വ്യക്തമാക്കിയത്. തന്റെ ഗട്ട് ഫീലിനൊപ്പമാണ് രോഹിത് നീങ്ങിയതെന്നും സ്പിന്നര്‍ക്കായിരുന്നു രണ്ട് വിക്കറ്റുകള്‍ വീഴ്ത്തുവാന്‍ സാധ്യതയെന്ന് താന്‍ കരുതിയതെന്നും രാഹുല്‍ കൂട്ടിചേര്‍ത്തു.
ആറ് പന്ത് അഫ്ഗാനിസ്ഥാന് ബാറ്റ് ചെയ്തിരുന്നുവെങ്കില്‍ അവര്‍ ആ 11 റൺസ് നേടിയേനെയെന്നും രാഹുല്‍ പറഞ്ഞു.
