വീണ്ടും ഒരു ലോകകപ്പിൽ കൂടെ ഇന്ത്യയും പാകിസ്താനും ഒരു ഗ്രൂപ്പിൽ. ജൂൺ 1 മുതൽ ജൂൺ 29 വരെ വെസ്റ്റ് ഇൻഡീസും യുണൈറ്റഡ് സ്റ്റേറ്റ്സ് ഓഫ് അമേരിക്കയും ആതിഥേയത്വം വഹിക്കുന്ന ലോകകപ്പിന്റെ ഫിക്സ്ചറുകൾ ഇന്ന് ഐ സി സി പുറത്തിറക്കി. ടൂർണമെന്റിലെ ആദ്യ മത്സരം യുഎസ്എയും കാനഡയും തമ്മിലാണ്. ഇതാദ്യമായാണ് ഒരു ഐസിസി ലോകകപ്പ് ടൂർണമെന്റിൽ അമേരിക്കയിൽ മത്സരങ്ങൾ നടക്കുന്നത്. 9 വേദികളിലായി 55 മത്സരങ്ങളാണ് ടൂർണമെന്റിൽ നടക്കുക.
ജൂൺ 9ന് ന്യൂയോർക്കിലാണ് ഇന്ത്യയും പാക്കിസ്ഥാനും തമ്മിലുള്ള പോരാട്ടം. ഇന്ത്യ, പാകിസ്താൻ, അയർലണ്ട്, കാനഡ, അമേരിക്ക എന്നിവർ ആണ് ഗ്രൂപ്പ് എയിൽ ഉള്ളത്. നാലു ഗ്രൂപ്പുകൾ ആണ് ആകെ ഉള്ളത്.
20 ടീമുകൾ ടൂർണമെന്റിൽ പങ്കെടുക്കും. ഓരോ ഗ്രൂപ്പിലെയും ആദ്യ രണ്ട് ടീമുകൾ സൂപ്പർ 8 ഘട്ടത്തിലേക്ക് മുന്നേറും. സൂപ്പർ 8 ഘട്ടത്തിൽ നാല് പേരടങ്ങുന്ന രണ്ട് ഗ്രൂപ്പുകൾ ഉൾപ്പെടും, അതിൽ നിന്ന് ആദ്യ രണ്ട് ടീമുകൾ സെമി ഫൈനലിലേക്കും എത്തും.
Group A – India, Pakistan, Ireland, Canada and USA.
Group B – England, Australia, Namibia, Scotland, and Oman.
Group C – New Zealand, West Indies, Afghanistan, Uganda and Papua New Guinea.
Group D – South Africa, Sri Lanka, Bangladesh, Netherlands and Nepal
