ഇന്ത്യന്‍ പുരുഷ ക്രിക്കറ്റ് ടീമിന്റെ മുഖ്യ പരിശീലകന്‍ രാഹുല്‍ ദ്രാവിഡിന്റെ കരാര്‍ നീട്ടി നൽകി ബിസിസിഐ. ബിസിസിഐ നൽകിയ കരാര്‍ രാഹുല്‍ ദ്രാവിഡ് സ്വീകരിച്ചുവെന്നാണ് ലഭിയ്ക്കുന്ന വിവരം. 2021 നവംബറിൽ ഇന്ത്യയുടെ മുഖ്യ കോച്ചായി ദ്രാവിഡ് ചുമതലയേറ്റപ്പോള്‍ രണ്ട് വര്‍ഷത്തേക്കായിരുന്നു കരാര്‍.
ലോകകപ്പ് ഫൈനലില്‍ ഓസ്ട്രേലിയയോട് ഏറ്റ തോൽവിയ്ക്ക് ശേഷം ദ്രാവിഡ് കരാര്‍ പുതുക്കിയേക്കില്ലെന്നാണ് പുറത്ത് വന്ന റിപ്പോര്‍ട്ടുകള്‍. ദ്രാവിഡിന് എത്ര കാലത്തേക്കാണ് കരാര്‍ നൽകിയിരിക്കുന്നതെന്ന് ബിസിസിഐ വ്യക്തമാക്കിയിട്ടില്ല.
