തന്റെ കരിയർ ഇത്ര മികച്ച രീതിയിൽ മുന്നോട്ടു പോകും എന്ന് താൻ ഒരിക്കലും ചിന്തിച്ചിരുന്നില്ല എന്ന് വിരാട് കോഹ്ലി. എന്റെ കരിയർ എവിടെയാണ്, ദൈവം എന്നെ എങ്ങനെ അനുഗ്രഹിച്ചു, ഇതു പോലെ എല്ലാം നേടുമെന്ന് ഞാൻ ഒരിക്കലും ചിന്തിച്ചിരുന്നില്ല,” കോഹ്ലി സ്റ്റാർ സ്പോർട്സിനോട് പറഞ്ഞു.
“ഞാൻ ഇങ്ങനെ ഒരുപാട് റൺസും സെഞ്ച്വറിയും നേടും എന്ന് ഞാൻ എപ്പോഴും സ്വപ്നം കണ്ടിരുന്നു, പക്ഷേ കാര്യങ്ങൾ ഈ രീതിയിൽ കൃത്യമായി നടക്കുമെന്ന് ഞാൻ ഒരിക്കലും കരുതിയിരുന്നില്ല. ആർക്കും ഈ കാര്യങ്ങൾ ആസൂത്രണം ചെയ്യാൻ കഴിയില്ല,” – കോഹ്ലി പറഞ്ഞു.
“ഈ 12 വർഷത്തിനുള്ളിൽ ഞാൻ ഇത്രയും സെഞ്ചുറികളും ഇത്രയധികം റൺസും നേടുമെന്ന് ഞാൻ കരുതിയിരുന്നില്ല.” തന്റെ കരിയറിലെ ഒരു ഘട്ടത്തിൽ പ്രൊഫഷണലിസത്തിന്റെ അഭാവം കണ്ടെത്തിയതിനാൽ തന്റെ “അച്ചടക്കവും ജീവിതശൈലിയും” മാറ്റേണ്ടി വന്നതായി അദ്ദേഹം പറഞ്ഞു.
“ടീമിന് വേണ്ടി മികച്ച പ്രകടനം നടത്തുകയും വിഷമകരമായ സാഹചര്യങ്ങളിൽ നിന്ന് ടീമിനായി മത്സരങ്ങൾ ജയിക്കുകയും ചെയ്യുക എന്നതായിരുന്നു എന്റെ ഏക ശ്രദ്ധ. അതിനായി, അച്ചടക്കത്തിലും ജീവിതശൈലിയിലും ഞാൻ കുറച്ച് മാറ്റങ്ങൾ വരുത്തി.” കോഹ്ലി പറഞ്ഞു.
