ഏഷ്യൻ ഗെയിംസിൽ സ്ക്വാഷിൽ ഇന്ത്യക്ക് ഒരു മെഡൽ കൂടെ. മിക്‌സഡ് ഡബിൾസിന്റെ സെമിയിൽ തോറ്റ യുവതാരങ്ങളായ അനാഹത് സിങ്ങും അഭയ് സിംഗും ആണ് വെങ്കലം നേടിയത്. മലേഷ്യൻ ജോഡിയോട് 1-2 എന്ന സ്കോറിന് തോറ്റതോടെയാണ് ഇന്ത്യ വെങ്കലം കൊണ്ട് തൃപ്തിപ്പെടേണ്ടി വന്നത്. 11-8, 2-11, 9-11 എന്നായിരുന്നു ഗെയിമുകൾ അവസാനിച്ചത്.
15കാരിയായ അനാഹത് സിങ് നേരത്തെ വനിതാ ടീം ഇവന്റിൽ മെഡൽ നേടിയിരുന്നു. അഭയ് സിങ് പുരിഷ ടീം ഇവന്റിലും ഇന്ത്യക്ക് ആയി മെഡൽ നേടി. ഈ മെഡലോടെ ഇന്ത്യക്ക് 72 മെഡലുകൾ ആയി. 16 സ്വർണ്ണം, 26 വെള്ളി, 30 വെങ്കലം എന്നിവ ഇതുവരെ ഇന്ത്യ നേടി.
