മധ്യനിര താരം ഗുവന്ദോസിയെ ഇറ്റാലിയൻ ക്ലബായ ലാസിയോ സ്വന്തമാക്കി. ഫ്രഞ്ച് ക്ലബായ മാഴ്സെയിൽ നിന്നാണ് ഗുന്ദോസി ലാസിയോയിൽ എത്തുന്നത്. ലോണിൽ ആണ് താരം ലാസിയോയിൽ ചേരുന്നത്‌. 1 മില്യൺ ലോൺ ഫീ ആയി നൽകണം. അതു കഴിഞ്ഞ് 15 മില്യൺ നൽകിയാൽ താരത്തെ സ്ഥിര കരാറിൽ സൈൻ ചെയ്യാം.
ആഴ്സണലിന്റെ താരമായിരുന്ന ഗുവന്ദോസി2021 ലോണിൽ ആയിരുന്നു മാഴ്സെയിൽ ആദ്യം എത്തിയത്. അവിടെ മികച്ച പ്രകടനങ്ങൾ കാഴ്ചവെച്ചതോടെ കഴിഞ്ഞ വർഷം അവിടെ സ്ഥിര കരാർ ഒപ്പുവെച്ചു. താരം ഫ്രഞ്ച് ക്ലബിൽ എൺപതോളം മത്സരങ്ങൾ കളിച്ചു കഴിഞ്ഞു.
മുമ്പ് ലോണിൽ ജർമ്മൻ ക്ലബായ ഹെർത ബെർലിനിൽ ഗുന്ദോസി കളിച്ചിരുന്നു. 2018ൽ ആയിരുന്നു ഗുന്ദോസി ആഴ്സണലിൽ എത്തിയത്. പി എസ് ജിയുടെ അക്കാദമിയിലൂടെ വളർന്നു വന്ന താരമാണ്. ഫ്രാൻസിനായി 7 മത്സരങ്ങളും താരം കളിച്ചിട്ടുണ്ട്.
