ന്യൂസിലൻഡും യു എ ഇയും തമ്മിലുള്ള ടി20 പരമ്പരയിലെ ആദ്യ മത്സരത്തിൽ ന്യൂസിലൻഡിന് വിജയം. ന്യൂസിലൻഡ് 19 റൺസിനാണ് ഇന്ന് വിജയിച്ചത്. ഇന്ന് ആദ്യം ബാറ്റു ചെയ്ത ന്യൂസിലൻഡിന് 155-6 എന്ന സ്കോർ മാത്രമെ എടുക്കാൻ ആയിരുന്നുള്ളൂ. സെയ്ഫേർട് 34 പന്തിൽ നിന്ന് 55 റൺസ് എടുത്ത് തിളങ്ങി. മകെഞ്ചി 24 പന്തിൽ നിന്ന് 31 റൺസും രചിൻ രവീന്ദ്ര 11 പന്തിൽ നിന്ന് 21 റൺസ് എടുത്തും പുറത്താകാതെ നിന്നു.
യു എ ഇ 19.4 ഓവറിൽ 136 റൺസിന് ഓളൗട്ട് ആവുകയായിരുന്നു. യു എ ഇക്ക് വേണ്ടി ആര്യൻ ശർമ്മ 43 പന്തിൽ നിന്ന് 60 റൺസ് എടുത്ത് ടോപ് സ്കോറർ ആയി. പക്ഷെ വേറെ ആർക്കും ആര്യൻഷാക്ക് നല്ല പിന്തുണ നൽകാൻ ആയില്ല. ടിം സൗതി അഞ്ച് വിക്കറ്റ് വീഴ്ത്തി ന്യൂസിലൻഡ് വിജയത്തിൽ നിർണായക പങ്കുവഹിച്ചു.
