ഷെഫീൽഡ് യുണൈറ്റഡിന്റെ നോർവീജിയൻ മധ്യനിര താരം സാന്ദർ ബെർജിനെ സ്വന്തമാക്കി ബേർൺലി. പ്രീമിയർ ലീഗിലേക്ക് സ്ഥാനക്കയറ്റം നേടി വരുന്ന ഷെഫീൽഡ് യുണൈറ്റഡിന് താരത്തെ മറ്റൊരു സ്ഥാനക്കയറ്റം നേടി വരുന്ന ബേർൺലിയിലേക്ക് തന്നെ താരത്തെ നഷ്ടമാവുന്നത് വലിയ തിരിച്ചടിയാണ്. 2020 ൽ ക്ലബ് റെക്കോർഡ് തുകക്ക് ഷെഫീൽഡ് യുണൈറ്റഡിൽ എത്തിയ 25 കാരനായ ബെർജ് അവർക്ക് ആയി 97 മത്സരങ്ങൾ കളിച്ചിട്ടുണ്ട്.
നോർവെക്ക് ആയി 36 മത്സരങ്ങളും താരം കളിച്ചിട്ടുണ്ട്. കഴിഞ്ഞ സീസണിൽ ഷെഫീൽഡ് യുണൈറ്റഡിനെ പ്രീമിയർ ലീഗിൽ എത്തിക്കാൻ പ്രധാന താരമായ ബെർജിനെ ക്ലബ് വിൽക്കുന്നത് ഞെട്ടലോടെയാണ് ആരാധകർ കാണുന്നത്. അതേസമയം അവരുടെ മറ്റൊരു പ്രധാന താരമായ ഇലിമാൻ നണ്ടെയിയെയും ഷെഫീൽഡ് യുണൈറ്റഡ് വിറ്റിരുന്നു. മുമ്പ് പ്രീമിയർ ലീഗിൽ കളിച്ചു പരിചയമുള്ള നോർവീജിയൻ താരത്തിന്റെ വരവ് ബേർൺലിക്ക് വലിയ കരുത്ത് ആവും പകരുക.
