വനിതാ ഫുട്ബോൾ ലോകകപ്പിൽ ഇംഗ്ലണ്ടിന് രമ്മ്ടാം വിജയം. ഇന്ന് ഡെന്മാർക്കിനെ നേരിട്ട ഇംഗ്ലണ്ട് ഏക ഗോളിനാണ് വിജയിച്ചത്. പന്ത് കൂടുതൽ കൈവശം വെച്ചു എങ്കിലും ഇംഗ്ലണ്ടിന് ഇന്നും കൂടുതൽ അവസരം സൃഷ്ടിക്കാനോ കൂടുതൽ ഗോളുകൾ നേടാനോ ആയില്ല. ഗ്രൂപ്പിലെ ആദ്യ മത്സരത്തിൽ ഹെയ്തിക്ക് എതിരെയും ചെറിയ മാർജിനിൽ ആയിരുന്നു ഇംഗ്ലണ്ട് വിജയിച്ചത്.
മത്സരം ആരംഭിച്ച് ആറാം മിനുട്ടിൽ ലോറൻ ജെയിംസ് നേടിയ ഗോൾ ആണ് വിജയ ഗോളായി മാറിയത്. റാചൽ ഡലി ആയിരുന്നു അസിസ്റ്റ് നൽകിയത്. ആദ്യ പകുതിയിൽ കെയ്റ വാൽഷിന് പരിക് കാരണം നഷ്ടമായത് ഇംഗ്ലണ്ടിന് വലിയ തിരിച്ചടിയായി. താരം ഇനി ഈ ലോകകപ്പിൽ കളിക്കുമോ എന്നത് സംശയമാണ്.
ഈ വിജയത്തോടെ ഗ്രൂപ്പ്ഡിയിൽ 6 പോയിന്റുമായി ഇംഗ്ലണ്ട് ഒന്നാമത് നിൽക്കുന്നു. 3 പോയിന്റുമായി ഡെന്മാർക്ക് ആണ് രണ്ടാമത്.
