അഫ്ഗാനിസ്ഥാനെതിരെയുള്ള ആദ്യ ഏകദിനത്തിലെ തോൽവിയ്ക്ക് പിന്നാലെ അന്താരാഷ്ട്ര ക്രിക്കറ്റിൽ നിന്ന് വിരമിച്ച് തമീം ഇക്ബാല്‍. ലോകകപ്പ് എത്തുവാന്‍ മാസങ്ങള്‍ മാത്രമുള്ളപ്പോള്‍ താരത്തിന്റെ ഈ തീരുമാനം ക്രിക്കറ്റ് ലോകത്തെ ഞെട്ടിച്ചിരിക്കുകയാണ്.
തന്റെ തീരുമാനം പെട്ടെന്നുള്ളതാണെന്നാണ് തമീം ഇക്ബാൽ സൂചിപ്പിച്ചത്. 241 ഏകദിനങ്ങളിൽ നിന്ന് 8313 റൺസാണ് ബംഗ്ലാദേശിന്റെ ഏകദിന നായകന്‍ നേടിയത്. 70 ടെസ്റ്റ് കളിച്ച തമീം 5134 റൺസ് ഈ ഫോര്‍മാറ്റിൽ നേടിയിട്ടുണ്ട്. ടി20യിൽ നിന്ന് 87 മത്സരങ്ങള്‍ കളിച്ച താരം ജൂലൈ 2022ൽ റിട്ടയര്‍ ചെയ്തിരുന്നു.
