ലീഡ്സ് യുണൈറ്റഡിന് തുടർച്ചയായ മൂന്നാം പരാജയം. ഇന്ന് ലീഡ്സ് യുണൈറ്റഡിനെ 2-1 എന്ന സ്കോറിന് ഫുൾഹാം ആണ് പരാജയപ്പെടുത്തിയത്. ജയത്തോടെ ഫുൾഹാമിനെ 45 പോയിന്റുമായി ലീഗ് ടേബിളിൽ 9-ാം സ്ഥാനത്തെത്തി, ലീഡ്സ് യുണൈറ്റഡ് 29 പോയിന്റുമായി 16-ാം സ്ഥാനത്ത് തുടരുന്നു, തരംതാഴ്ത്തൽ സോണിന് രണ്ട് പോയിന്റ് മാത്രം മുകളിൽ ആണ് അവർ.
ആദ്യ പകുതിയിൽ ഇന്ന് ഗോൾ പിറന്നിരുന്നില്ല. രണ്ടാം പകുതിയിൽ 58-ാം മിനിറ്റിൽ വിൽസണിന്റെ ഗോളിൽ ഫുൾഹാം മുന്നിലെത്തി. പിന്നാലെ ആന്ദ്രെസ് പെരേരയുടെ ഗോൾ ഫുൾഹാമിന്റെ ലീഡ് ഇരട്ടിയാക്കുകയും ചെയ്തു. ലീഡ്സ് യുണൈറ്റഡ് ബ്രാംഫോർഡിലൂടെ അവസാനം ഒരു ഗോൾ മടക്കി എങ്കിലും അതിനപ്പുറം അവർ മുന്നോട്ട് പോയില്ല. സീസണിൽ 7 മത്സരങ്ങൾ മാത്രം ശേഷിക്കെ ലീഡ്സ് യുണൈറ്റഡ് തരംതാഴ്ത്തൽ ഭയക്കേണ്ടിയിരിക്കുന്നു.
