ജോക്കോവിചിനെ ഞെട്ടിച്ച് ഇറ്റാലിയൻ യുവതാരം മുസെറ്റി

ലോക ഒന്നാം നമ്പർ താരം ജോക്കോവിചിന് ഞെട്ടിക്കുന്ന പരാജയം. മോണ്ടി കാർലോ മാസ്റ്റേഴ്‌സിന്റെ മൂന്നാം റൗണ്ടിൽ ഇറ്റലിയുടെ 21 കാരനായ ലോറെൻസോ മുസെറ്റിയോട് ആണ് ലോക ഒന്നാം നമ്പർ താരം തോറ്റത്. കോർട്ട് റെയ്‌നിയർ III-ൽ മഴയും കാറ്റും ജൊക്കോവിചിന്റെ താളം തെറ്റിച്ചു. 4-6, 7-5, 6-4 എന്ന സ്‌കോറിന് ആയിരുന്നു ലൊറെൻസോ വിജയിച്ചത്. മഴ ഇടവേളകൾ ഉൾപ്പെടെ 2 മണിക്കൂറും 54 മിനിറ്റും മത്സരം നീണ്ടു നിന്നു. മുസെറ്റിയെ നിഷേധിക്കാൻ അദ്ദേഹത്തിന് കഴിഞ്ഞില്ല.