ഇന്ന് ഇംഗ്ലീഷ് പ്രീമിയർ ലീഗിൽ വലിയ മത്സരം തന്നെയാണ് നടക്കുന്നത്‌. ചാമ്പ്യൻസ് ലീഗ് യോഗ്യത ഉറപ്പിക്കാൻ ശ്രമിക്കുന്ന മാഞ്ചസ്റ്റർ യുണൈറ്റഡും ന്യൂകാസിൽ യുണൈറ്റഡും നേർക്കുനേർ വരികയാണ്. ഇരുവരും അവസാനം ഏറ്റുമുട്ടിയത് ലീഗ് കപ്പ് ഫൈനലിൽ ആയിരുന്നു. അന്ന് ന്യൂകാസിൽ യുണൈറ്റഡിനെ തോൽപ്പിച്ച് യുണൈറ്റഡ് കിരീടം നേടി. ഇന്ന് ന്യൂകാസിലിന്റെ ഹോം ഗ്രൗണ്ടിൽ വെച്ച് മാഞ്ചസ്റ്റർ യുണൈറ്റഡിനോട് കണക്കു തീർക്കുക ആകും ന്യൂകാസിലിന്റെ ലക്ഷ്യം.
മാഞ്ചസ്റ്റർ യുണൈറ്റഡ് ഇന്നും കസെമിറോ ഇല്ലാതെ ആകും ഇറങ്ങുക. മാഞ്ചസ്റ്റർ യുണൈറ്റഡ് അറ്റാക്കിങ് താരം റാഷ്ഫോർഡിന്റെ ഫിറ്റ്നസിലും ആശങ്കയുണ്ട്. മാഞ്ചസ്റ്റർ യുണൈറ്റഡ് ഇപ്പോൾ 50 പോയിന്റുമായി മൂന്നാം സ്ഥാനത്തും ന്യൂകാസിൽ യുണൈറ്റഡ് 47 പോയിന്റുമായി അഞ്ചാം സ്ഥാനത്തുമാണ്‌. ഇന്ന് വിജയിച്ചാൽ ന്യൂകാസിൽ മൂന്നാം സ്ഥാനത്തേക്ക് എത്തും. രാത്രി 9 മണിക്ക് നടക്കുന്ന മത്സരം തത്സമയം ഹോട്സ്റ്റാറിലും സ്റ്റാർ സ്പോർട്സിലും കാണാം.
