മാഞ്ചസ്റ്റർ യുണൈറ്റഡ് ഈ വരുന്ന സമ്മർ ട്രാൻസ്ഫർ വിൻഡോയിൽ നാപ്പോളി സ്‌ട്രൈക്കർ വിക്ടർ ഒസിമനെ സൈൻ ചെയ്യണം എന്ന് മുൻ മാഞ്ചസ്റ്റർ യുണൈറ്റഡ് സ്‌ട്രൈക്കർ ദിമിതർ ബെർബറ്റോവ്. ക്രിസ്റ്റ്യാനോ റൊണാൾഡോ ക്ലബ് വിട്ടതു മുതൽ മാഞ്ചസ്റ്റർ യുണൈറ്റഡ് ഒരു സ്ട്രൈക്കറെ അന്വേഷിക്കുകയാണ്. തൽക്കാലം യുണൈറ്റഡ് വെർഗോസ്റ്റിനെ സൈൻ ചെയ്തു എങ്കിലും ഗോൾ സ്കോറ് ചെയ്യുന്ന കാര്യത്തിൽ ഇതുവരെ വെഗോറ്സ്റ്റിന് തിളങ്ങാൻ ആയിട്ടില്ല. അതുകൊണ്ട് തന്നെ ഒരു ലോക നിലവാരത്തിലുള്ള സ്ട്രൈക്കറെ തന്നെ സ്വന്തമാക്കാൻ ആണ് യുണൈറ്റഡ് ശ്രമിക്കുന്നത്.
ഒസിമനും ഹാരി കെയ്നും ആണ് യുണൈറ്റഡ് ലിസ്റ്റിൽ ഉള്ള പ്രധാന സ്ട്രൈക്കേഴ്സ്‌. നൈജീരിയൻ ഇന്റർനാഷണൽ ആയ ഒസിമനെ ആണ് യുണൈറ്റഡ് സൈൻ ചെയ്യേണ്ടത് എന്ന് ബെർബ പറയുന്നു. ഒസിമൻ സ്കോർ ചെയ്യുന്ന ഗോൾ എല്ലാം അത്ഭുതകരമാണെന്ന് ബെർബ പറയുന്നു. ഒസിമന്റെ സ്പീഡ് പ്രീമിയർ ലീഗിന് അനുയോജ്യമാണെന്നും ബെർബ പറഞ്ഞു.
24കാരനായ ഒസിമൻ ഈ സീസണിൽ സീരി എ കിരീടത്തിലേക്ക് കുതിക്കുന്ന നാപോളിക്കായി മിന്നുന്ന ഫോമിലാണ് കളിക്കുന്നത്. സീസണിൽ ഇതുവരെ 25 ഗോളുകൾ താരം നേടിയിട്ടുണ്ട്. 2020 ജൂലൈയിൽ ഫ്രഞ്ച് ടീമായ ലില്ലിൽ നിന്ന് ആയിരുന്നു ഒസിമൻ നാപ്പോളിയിൽ ചേർന്നത്.
