കൈസെദോ ബ്രൈറ്റണിൽ തന്നെ തുടരും. താരം പുതിയ കരാർ ഒപ്പുവെച്ചിരിക്കുകയാണ്. 2027വരെയുള്ള കരാറാണ് കൈസെദോ ഒപ്പുവെച്ചിരിക്കുന്നത്. 2028വരെ നീട്ടാനുള്ള ഓപ്ഷനും കരാറിൽ ഉണ്ട്. കൈസെദോയുടെ വേതനം വലിയ തോതിൽ ഉയർത്തുന്നതാണ് ഈ കരാർ. താരത്തെ സ്വന്തമാക്കാൻ ജനുവരിയിൽ പല ക്ലബുകളും ശ്രമിച്ചിരുന്നു. ആഴ്സണൽ കൈസെദോക്ക് ആയി 70 മില്യന്റെ ബിഡ് വരെ സമർപ്പിച്ചിരുന്നു. പക്ഷെ ആ ബിഡും സ്വീകരില്ലാൻ ബ്രൈറ്റൺ തയ്യാറായില്ല.
കൈസേദോയെ വിൽക്കേണ്ട കാര്യമില്ല എന്ന് ബ്രൈറ്റൺ ഉറച്ച നിലപാട് എടുക്കുക ആയിരുന്നു. ഇനി ഈ വരുന്ന സമ്മറിൽ താരത്തെ വാങ്ങണം എങ്കിൽ ക്ലബുകൾക്ക് ഇനിയും വലിയ തുക കണ്ടെത്തേണ്ടി വരും. 21കാരനായ കൗസെദോ 2021ൽ ആയിരുന്നു ബ്രൈറ്റണിൽ എത്തിയത്.
