പ്രഥമ വനിത പ്രീമിയര് ലീഗിൽ ഗുജറാത്ത് ജയന്റ്സിനെ ബെത്ത് മൂണി നയിക്കും. ഓസ്ട്രേലിയന് വിക്കറ്റ് കീപ്പര് താരത്തിന്റെ ഡെപ്യൂട്ടിയായി ഇന്ത്യയുടെ ഓള്റൗണ്ടര് താരമായ സ്നേഹ് റാണയെയും നിയമിച്ചിട്ടുണ്ട്.
ഓസ്ട്രേലിയ കഴിഞ്ഞ ദിവസം ടി20 ലോകകപ്പ് നേടിയപ്പോള് ബെത്ത് മൂണി 53 പന്തിൽ പുറത്താകാതെ 74 റൺസാണ് നേടിയത്. രണ്ട് അന്താരാഷ്ട്ര ടി20 ശതകങ്ങള് നേടിയിട്ടുള്ള താരം 18 അര്ദ്ധ ശതകങ്ങളും നേടിയിട്ടുണ്ട്.
മൂന്ന് ലോകകപ്പ് കിരീടവും കോമൺവെൽത്ത് സ്വര്ണ്ണവും നേടിയ താരം മൂന്ന് വട്ടം ബിഗ് ബാഷ് ലീഗ് കിരീടവും നേടിയിട്ടുണ്ട്.
