ഇന്ന് ലണ്ടൻ സ്റ്റേഡിയത്തിൽ നടന്ന മത്സരത്തിൽ നോട്ടിംഗ്ഹാം ഫോറസ്റ്റിനെതിരെ വെസ്റ്റ് ഹാം യുണൈറ്റഡ് 4-0ന്റെ ഉജ്ജ്വല വിജയം നേടി. ഡാനി ഇംഗ്‌സ്, ഡെക്ലാൻ റേസ്, മൈക്കൽ അന്റോണിയോ എന്നിവരുടെ ഗോളുകളോടെ ആണ് ഹാമേഴ്‌സ് വിജയിച്ചു കയറിയത്. അവർ ഈ ജയത്തോടെ റിലഗേഷൻ സോണിൽ നിന്നും മുന്നോട്ട് വന്നു.
ഇന്ന് വളരെ വൈകിയാണ് ലണ്ടണിൽ ഗോൾ പിറന്നത്. ആദ്യം 70-ാം മിനിറ്റിലും പിന്നീട് രണ്ട് മിനിറ്റിനുശേഷം വീണ്ടും വെസ്റ്റ് ഹാമിന് വേണ്ടി ഇംഗ്‌സ് ഗോളുകൾ നേടി. 78-ാം മിനിറ്റിൽ ഡക്ലൻ റേസിന്റെ ഗോളും വന്നു. 85-ാം മിനിറ്റിൽ അന്റോണിയോ കൂടെ ഗൊൾ നേടിയതോടെ അവർ വിജയം ഉറപ്പിച്ചു.
ജയത്തോടെ വെസ്റ്റ് ഹാം പ്രീമിയർ ലീഗ് സ്റ്റാൻഡിംഗിൽ 23 പോയിന്റുമായി 16-ാം സ്ഥാനത്തേക്ക് ഉയർന്നു. മറുവശത്ത് നോട്ടിംഗ്ഹാം ഫോറസ്റ്റ് 25 പോയിന്റുമായി 13-ാം സ്ഥാനത്താണ്.
