ഇന്ത്യൻ സൂപ്പർ ലീഗിന്റെ ലീഗ് ഘട്ടം ഡർബി വിജയത്തോടെ അവസാനിപ്പിച്ച് എ ടി കെ മോഹൻ ബഗാൻ. ഇന്ന് നടന്ന കൊൽക്കത്ത ഡാർബിയിൽ ഈസ്റ്റ് ബംഗാളിനെ ഏകപക്ഷീയമായ രണ്ടു ഗോളുകൾക്ക് തോൽപ്പിക്കാൻ മോഹൻ ബഗാനായി. ആവേശകരമായ മത്സരത്തിൽ തുടക്കം മുതൽ എ ടി കെയ്ക്ക് ഒപ്പം പൊരുതാൻ ഈസ്റ്റ് ബംഗാളിനായി. ആദ്യ ഗോൾ വീഴാൻ 68 മിനുട്ട് വരെ വൈകിപ്പിക്കാൻ ഈസ് ബംഗാളിനായി. എന്നാൽ എ ടി കെയുടെ തുടർ ആക്രമണങ്ങൾക്ക് അവസാനം ഫലം ലഭിച്ചു.
68ആം മുനുട്ടിൽ ഒരു ക്ലോസ് റേഞ്ചറിലൂടെ സ്ലാകോ ഡമാഹാനോവിച് അവർക്ക് ലീഡ് നൽകി. പിന്നീട് അവർ രണ്ടാം ഗോളിനായുള്ള അന്വേഷണം ആയിരുന്നു. 90ആം മിനുട്ടിൽ പെട്രറ്റോസിലൂടെ എ ടി കെ രണ്ടാം ഗോളും നേടി വിജയം ഉറപ്പിച്ചു.
ഈ വിജയത്തോടെ എ ടി കെ മോഹൻ ബഗാൻ ലീഗിൽ മൂന്നാം സ്ഥാനത്തേക്ക് മുന്നേറി. 20 മത്സരങ്ങളിൽ നിന്ന് 34 പോയിന്റുമായി അവർ ലീഗ് ഘട്ടം അവസാനിപ്പിച്ചു.
