2022-23 കേരള പ്രീമിയർ ലീഗ് സൂപ്പർ സിക്‌സ് റൗണ്ടിൽ കേരളാ പോലീസ് കേരള ബ്ലാസ്റ്റേഴ്‌സ് റിസേർവ്സിനെ 2-0 ന് തോൽപിച്ചു, സജീഷ് ഇയുടെ മിന്നുന്ന പ്രകടനം ആണ് പോലീസിന് കരുത്തായത്. കോഴിക്കോട് ഇ എം എസ് സ്‌റ്റേഡിയത്തിൽ നടന്ന മത്സരത്തിൽ കേരള പോലീസ് ആധിപത്യം പുലർത്തി. 56-ാം മിനിറ്റിൽ സജീഷ് ഇ ആണ് ആദ്യ ഗോൾ നേടിയത്.
കേരള ബ്ലാസ്റ്റേഴ്‌സ് എഫ്‌സി കളിയിലേക്ക് തിരിച്ചുവരാൻ ധീരമായ ശ്രമങ്ങൾ നടത്തിയെങ്കിലും, കേരള പോലീസിന്റെ പ്രതിരോധം ശക്തമായിരുന്നു. പിന്നീട് 91-ാം മിനിറ്റിൽ സജീഷ് ഇ വീണ്ടും ഗോൾ നേടിയതോടെ മത്സരം പോലീസിന്റേതായി. വിജയത്തോടെ കേരളാ പോലീസ് ആറ് പോയിന്റുമായി സൂപ്പർ സിക്‌സ് പട്ടികയിൽ ഒന്നാംസ്ഥാനത്ത് എത്തി. മാച്ച് വിന്നിംഗ് പ്രകടനത്തിന് സജീഷ് ഇ പ്ലെയർ ഓഫ് ദി മാച്ച് ആയി തിരഞ്ഞെടുക്കപ്പെട്ടു.
