ഹീറോ ഐ ലീഗ് ഇന്ന് നടന്ന മത്സരത്തിൽ മൊഹമ്മദൻസിനെ ഏകപക്ഷീയമായ ഒരു ഗോളിന് കീഴടക്കി ഐസാൾ എഫ്സി. സ്വന്തം തട്ടകത്തിൽ നടന്ന മത്സരത്തിൽ ഹെൻറി കിസ്സെക്ക നേടിയ പെനാൽറ്റി ഗോൾ ആണ് ഐസാളിന് തുണയായത്. ഇതോടെ താല്ക്കാലികമായെങ്കിലും പോയിന്റ് പട്ടികയിൽ നാലാം സ്ഥാനത്തെക്കുയരാനും ഐസാളിനായി. മൊഹമ്മദൻസ് ഒൻപതാമത് തുടരുകയാണ്.
ആദ്യ പകുതിയിൽ തുല്യ ശക്തികളുടെ പോരാട്ടമാണ് ഇരു ടീമുകളും കാഴ്ച്ച വെച്ചത്. രണ്ടാം പകുതിയിൽ പോരാട്ടം കനത്തു. മൊഹമ്മദൻസ് താരം കീൻ ലൂയിസിന്റെ മികച്ചൊരു ഷോട്ട് പോസ്റ്റിൽ തട്ടി തെറിച്ചു. ആറുപതിയാറാം മിനിറ്റിൽ കിസ്സെക്കയെ പ്രതിരോധ താരം ഒസ്മാൻ എന്റിയയെ ബോക്സിൽ വീഴ്ത്തിയതിന് റഫറി പെനാൽറ്റി വിധിച്ചു. കിക്ക് എടുത്ത കിസ്സെക്കക് പിഴച്ചില്ല. അവസാന മിനിറ്റുകളിൽ സമനില ഗോളിനായി സന്ദർശകർ കിണഞ്ഞു ശ്രമിച്ചെങ്കിലും ഫലം കണ്ടില്ല. തൊണ്ണൂറാം മിനിറ്റിൽ സ്റ്റോയനോവിച്ചിന്റെ ഷോട്ടും പോസ്റ്റിൽ തട്ടി തെറിച്ചതോടെ മുഹമ്മദൻസിന് തോൽവി വഴങ്ങുകയായിരുന്നു.
