ലിയോണിന്റെ ഫുൾ ബാക്ക് മാലോ ഗസ്റ്റോയ്‌ക്കായി ചെൽസി ഒരു ഓപ്പണിംഗ് ഓഫർ സമർപ്പിച്ചതായി ഫുട് മെർകാറ്റോ റിപ്പോർട്ട് ചെയ്യുന്നു. ഈ ട്രാൻസ്ഫർ വിൻഡോയിൽ തങ്ങളുടെ പ്രതിരോധ താരത്തെ വിൽക്കില്ല എന്ന് ലിയോൺ അറിയിച്ചിട്ടും ചെൽസി താരത്തെ ടീമിൽ എത്തിക്കാൻ ഒരുങ്ങുകയാണ്. ലിയോൺ ക്ലബിന് നിരസിക്കാൻ കഴിയാത്ത ഒരു ഓഫറുമായി ചെൽസി തിരിച്ചെത്തിയേക്കും എന്നാണ് റിപ്പോർട്ട്.
ലോറന്റ് ബ്ലാങ്കിന്റെ ടീമിലെ സ്ഥിരം സ്റ്റാർട്ടരാണ് മാലോ ഗസ്റ്റോ ഇപ്പോൾ. കഴിഞ്ഞ സീസണിന്റെ മധ്യത്തിൽ മുതൽ ഗസ്റ്റോ ടീമിലെ സ്ഥിരാംഗം ആണ്. ലിയോണിന്റെ സീനിയർ ടീമിനായി അദ്ദേഹം ആകെ 54 മത്സരങ്ങൾ കളിച്ചിട്ടുണ്ട്, ആറ് അസിസ്റ്റുകളും അദ്ദേഹത്തിന്റെ പേരിലുണ്ട്.
