ആഴ്സണലിനെ തടഞ്ഞ് ന്യൂകാസിൽ യുണൈറ്റഡ്. ആഴ്സണലിന്റെ ഹോം ഗ്രൗണ്ടിൽ നടന്ന ലീഗ് മത്സരത്തിൽ ആഴ്സണലിനെ ഗോൾ രഹിത സമനിലയിൽ നിർത്താൻ ന്യൂകാസിലിനായി.
ആഴ്സണൽ സ്വന്തം ഹോം ഗ്രൗണ്ടിൽ മികച്ച രീതിയിൽ ആയിരുന്നു കളി തുടങ്ങിയത്. ആദ്യ പത്ത് മിനുട്ടിൽ തന്നെ അഞ്ചോളം ഷോട്ടുകൾ ആഴ്സണൽ ന്യൂകാസിൽ ഗോൾ മുഖത്തേക്ക് തൊടുത്തു. പക്ഷെ ഒന്നും ഗോളായി മാറിയില്ല. പതിയെ ന്യൂകാസിൽ കളിയിൽ താളം കണ്ടെത്തി. റഫറി കാർഡുകൾ വാരി വിതറുന്നതും ആദ്യ പകുതിയിൽ കാണാൻ ആയി. അഞ്ച് മഞ്ഞ കാർഡുകൾ ആണ് ആദ്യ പകുതിയിൽ വന്നത്. ആകെ കളിയിൽ ഏഴ് മഞ്ഞക്കാർഡുകൾ വന്നു.
കളിയിൽ ന്യൂകാസിലും അവസരങ്ങൾ സൃഷ്ടിച്ചു. ഗോൾ വന്നില്ല എങ്കിലും ഇരുഭാഗത്ത് നിന്നും നിരവധി നല്ല ഗോൾ ശ്രമങ്ങൾ കാണാൻ ആയി. ഈ സീസൺ പ്രീമിയർ ലീഗിൽ ആഴ്സണൽ ഇതാദ്യമാണ് എമിറേറ്റ്സിൽ പോയിന്റ് നഷ്ടപ്പെടുത്തുന്നത്. ഇതിനു മുമ്പ് ഈ ഗ്രൗണ്ടിൽ നടന്ന എല്ലാ മത്സരവും ആഴ്സണൽ വിജയിച്ചിരുന്നു.
ഈ സമനില ആഴ്സണലിനെ 44 പോയിന്റുമായി ഒന്നാമത് തന്നെ നിർത്തുകയാണ്. ന്യൂകാസിൽ 35 പോയിന്റുമായി മൂന്നാം സ്ഥാനത്തും നിൽക്കുന്നു.
