കഴിഞ്ഞ ടി20 ലോകകപ്പികെ ഇന്ത്യയുടെ പ്രകടനം അവലോകനം ചെയ്യാനുള്ള ബിൽ സി സി ഐയുടെ മീറ്റിംഗ് ഇന്ന് നടക്കും. ഇന്ത്യൻ നായകൻ രോഹിത് ശർമ്മയും ഹെഡ് കോച്ച് രാഹുൽ ദ്രാവിഡും യോഗത്തിൽ ഉണ്ടാകുമെന്നാണ് പ്രതീക്ഷിക്കുന്നത്. വി വി എസ് ലക്ഷ്മണും യോഗത്തിന്റെ ഭാഗമാകും. ടി20 ക്യാപ്റ്റൻസി മാറ്റവും കോച്ച് മാറ്റവും എല്ലാം ഇന്ന് ചർച്ചയാകും എന്നാണ് പ്രതീക്ഷിക്കപ്പെടുന്നത്.
ശ്രീലങ്കയ്‌ക്കെതിരായ ഇന്ത്യയുടെ ടി20, ഏകദിന പരമ്പരയ്ക്ക് മുമ്പ് നടക്കുന്ന യോഗത്തിൽ വലിയ തീരുമാനങ്ങൾ ഉണ്ടാകാൻ സാധ്യതയുണ്ട്. ഓസ്‌ട്രേലിയയിൽ നടന്ന ലോകകപ്പിൽ ഇന്ത്യക്ക് അത്ര നല്ല ഓർമ്മകൾ അല്ല ബാക്കിയുള്ളത്. സൂപ്പർ 12 ഘട്ടത്തിലെ അഞ്ച് മത്സരങ്ങളിൽ നാലെണ്ണം വിജയിച്ചു എങ്കിലും ഇംഗ്ലണ്ടിനോട് 10 വിക്കറ്റിന്റെ തോൽവി നേരിട്ടാണ് ഇന്ത്യ നാട്ടിലേക്ക് വണ്ടി കയറിയത്. ലോകകപ്പിന് ശേഷം ചേതൻ ശർമ്മയുടെ നേതൃത്വത്തിലുള്ള സെലക്ഷൻ പാനലിനെ ഇന്ത്യ പുറത്താക്കിയിരുന്നു
