ബാഴ്സലോണയുടെ യുവതാരങ്ങളായ പെഡ്രിയെയും ഗവിയെയും പുകഴ്ത്തി കൊണ്ട് ബാഴ്സലോണ പരിശീലകൻ സാവി. എനിക്കും ഇനിയേസ്റ്റക്കും 20 വയസ്സുള്ളപ്പോൾ ഞങ്ങൾ ഇപ്പോൾ പെദ്രിയും ഗവിയും ഉള്ള അത്ര മികച്ച ലെവലിൽ ആയിരുന്നില്ല എന്ന് സാവി പറഞ്ഞു.
20 വയസ്സിൽ അവർ ഞങ്ങളെക്കാൾ മികച്ചവരാണ് സാവി പറഞ്ഞു. ഗവിക്ക് ഇപ്പോഴും 18 വയസ്സേ ആയിട്ടുള്ളൂ. 20-ലും 18-ലും ആദ്യ ടീമിൽ അവർ ഞങ്ങളേക്കാൾ കൂടുതൽ ചെയ്യുന്നു. അദ്ദേഹം പറഞ്ഞു.
പെഡ്രിയെയും ഗവിയെയും കൂടാതെ ഗാർസിയയും അൻസു ഫാത്തിയും ഞങ്ങൾക്ക് ഒപ്പം ഉണ്ട് എന്ന് സാവി പറഞ്ഞു. ഞങ്ങൾ ഈ യുവതാരങ്ങളുടെ നിലവാരത്തിൽ ആയിരുന്നില്ല എന്നും സാവി ആവർത്തിച്ചു. ലാ ലിഗ വിജയിക്കുന്നത് ആണ് ബാഴ്സലോണയുടെ ഈ സീസണിലെ പ്രധാന ലക്ഷ്യം എന്നും സാവി പറഞ്ഞു.
