ഇന്ത്യൻ സൂപ്പർ ലീഗിൽ എഫ്സി ഗോവക്ക് വിജയത്തുടക്കം. ഒന്നിനെതിരെ രണ്ട് ഗോളുകൾക്കാണ് ഈസ്റ്റ് ബംഗാളിനെ എഫ്സി ഗോവ പരാജയപ്പെടുത്തിയത്‌. ഇഞ്ചുറി ടൈമിൽ എഡു ബേഡിയ നേടിയ ഗോളാണ് എഫ്സി ഗോവയെ വിജയത്തിലേക്ക് നയിച്ചത്. ബ്രണ്ടൻ ഫെർണാണ്ടസ് ആണ് ഗോവക്ക് വേണ്ടി മറ്റൊരു ഗോളടിച്ചത്. പെനാൽറ്റി ലക്ഷ്യത്തിൽ എത്തിച്ച് ഈസ്റ്റ് ബംഗാളിന്റെ ആശ്വാസ ഗോൾ നേടിയത് ക്ലീറ്റൻ സിൽവയാണ്. ഈസ്റ്റ് ബംഗാളിന്റെ തുടർച്ചയായ രണ്ടാം പരാജയമാണിത്.
കളിയുടെ ആരംഭത്തിൽ തന്നെ ലീഡ് നേടാൻ എഫ്സി ഗോവക്കായി. ഏഴാം മിനുട്ടിൽ ബ്രെണ്ടൻ ഫെർണാണ്ടസിലൂടെ ഗോവ ഗോളടിച്ചു. ഗോളിന് വഴിയൊരുക്കിയത് വാസ്കസും. പിന്നീട് സമനില ഗോൾ പിടിക്കാനുള്ള ഈസ്റ്റ് ബംഗാളിന്റെ ശ്രമങ്ങൾ ആയിരുന്നു കണ്ടത്. ഒടുവിൽ രണ്ടാം പകുതിയിൽ ക്ലീറ്റണിന്റെ പെനാൽറ്റിയിലൂടെ ഈസ്റ്റ് ബംഗാൾ സമനില പിടിച്ചു. രണ്ടാം കളിയിലെങ്കിലും ജയം തോൽവി വഴങ്ങാതിരിക്കാൻ പരമാവധി ഈസ്റ്റ് ബംഗാൾ ശ്രമിച്ചെങ്കിലും ഇഞ്ചുറി ടൈമിൽ ഫ്രീകിക്ക് ഗോളാക്കി മാറ്റി എഡു ബേഡിയ ഈസ്റ്റ് ബംഗാളിന്റെ പ്രതീക്ഷകൾ തകർത്തു. ഈ ജയത്തോടെ നാലാം സ്ഥാനത്താണ് എഫ്സി ഗോവ. രണ്ട് പരാജയങ്ങളുമായി ഈസ്റ്റ് ബംഗാൾ അവസാന സ്ഥാനത്തും.
https://www.instagram.com/p/CjnwRBrpP-G/?igshid=YmMyMTA2M2Y=
