ഇംഗ്ലീഷ് പ്രീമിയർ ലീഗിൽ വിജയവഴിയിൽ തിരിച്ചെത്തി ടോട്ടൻഹാം ഹോട്സ്പർ. അപകടകാരികൾ ആയ ബ്രൈറ്റണിനു എതിരെ 22 മത്തെ മിനിറ്റിൽ സോണിന്റെ ക്രോസിൽ നിന്നു ഹെഡറിലൂടെ ഗോൾ നേടിയ ഹാരി കെയിൻ ആണ് ടോട്ടൻഹാമിനു ജയം നൽകിയത്. ഗോൾ വഴങ്ങിയ ശേഷം നിരന്തരം ഗോൾ തിരിച്ചടിക്കാൻ ബ്രൈറ്റൺ ശ്രമിച്ചെങ്കിലും ലോറിസ് വില്ലനായി. കയിസിഡോ, വെൽബക്ക്, മിറ്റോമ എന്നിവരുടെ ശ്രമങ്ങൾ എല്ലാം ടോട്ടൻഹാം ഗോൾ കീപ്പർ മികച്ച രീതിയിൽ രക്ഷിച്ചു. ജയത്തോടെ മൂന്നാം സ്ഥാനത്ത് തുടരാനും ടോട്ടൻഹാമിനു ആയി.
അതേസമയം മറ്റൊരു മത്സരത്തിൽ ന്യൂകാസ്റ്റിൽ യുണൈറ്റഡ് തങ്ങളുടെ മികവ് തുടർന്നു. ബ്രന്റ്ഫോർഡിനു എതിരെ ഒന്നിനെതിരെ 5 ഗോളുകൾക്ക് ആണ് അവർ ജയിച്ചത്. ന്യൂകാസ്റ്റിലിന് ആയി ബ്രൂണോ ഗുയിമാരസ് ഇരട്ടഗോളുകൾ നേടിയപ്പോൾ മിഗ്വൽ അൽമിരോൺ, ജേക്കബ് മർഫി എന്നിവർ ഓരോ ഗോൾ വീതവും കണ്ടത്തി. പിനോക്കിന്റെ സെൽഫ് ഗോൾ ന്യൂകാസ്റ്റിലിന് അഞ്ചാം ഗോൾ സമ്മാനിച്ചപ്പോൾ ഇവാൻ ടോണിയുടെ പെനാൽട്ടി മാത്രമാണ് ബ്രന്റ്ഫോർഡിന്റെ ആശ്വാസം. ജയത്തോടെ ലീഗിൽ അഞ്ചാം സ്ഥാനത്തേക്ക് ന്യൂകാസ്റ്റിൽ ഉയർന്നു.
