കേരള ബ്ലാസ്റ്റേഴ്സ് ഐ എസ് എല്ലിനായുള്ള ഒരുക്കം ഗംഭീരം ആക്കുകയാണ്. അവർ ഇന്ന് കലൂർ ജവഹർലാൽ നെഹ്റു സ്റ്റേഡിയത്തിൽ നടന്ന മത്സരത്തിൽ ഐ ലീഗ് ക്ലബായ റൗണ്ട് ഗ്ലാസ് പഞ്ചാബ് എഫ് സിയെ പരാജയപ്പെടുത്തി. ഒന്നിനെതിരെ രണ്ട് ഗോളുകൾക്കായിരുന്നു കേരള ബ്ലാസ്റ്റേഴ്സിന്റെ വിജയം. ഇന്നത്തെ മത്സരത്തിന് ആരാധകർക്ക് പ്രവേശനം ഉണ്ടായിരുന്നില്ല.
വിദേശ താരങ്ങൾ ആയ അഡ്രിയാൻ ലൂണയും ഇവാൻ കലിയുഷ്നിയുംആണ് ഗോൾ നേടിയത് എന്നാണ് വിവരങ്ങൾ.
L
ഐ എസ് എൽ തുടങ്ങാൻ ഇനി ഒരാഴ്ച മാത്രമെ ഉള്ളൂ എന്നത് കൊണ്ട് ഇത് കഴിഞ്ഞു ഒരു സൗഹൃദ മത്സരം കളിക്കാനുള്ള സാധ്യത കുറവാണ്. കേരള ബ്ലാസ്റ്റേഴ്സ് പ്രീസീസണിൽ ഇന്നത്തേത് അടക്കം അഞ്ചു മത്സരങ്ങൾ കളിച്ചിട്ടുണ്ട്. അഞ്ചും ടീം വിജയിക്കുകയും ചെയ്തു.
ഒക്ടോബർ 7ന് ഈസ്റ്റ് ബംഗാളിന് എതിരെ ആണ് കേരള ബ്ലാസ്റ്റേഴ്സിന്റെ ഐ എസ് എല്ലിലെ ആദ്യ മത്സരം.
