സഞ്ജു സാംസൺ ദക്ഷിണാഫ്രിക്കയ്ക്കെതിരെയുള്ള ഏകദിന ടീമില്‍ ഉണ്ടെന്ന് പറഞ്ഞ് സൗരവ് ഗാംഗുലി. തിരുവനന്തപുരത്ത് നടക്കുന്ന ഇന്ത്യ – ദക്ഷിണാഫ്രിക്ക ടി20 പരമ്പരയ്ക്ക് മുമ്പ് തലസ്ഥാനത്ത് എത്തിയ സൗരവ് ഗാംഗുലിയോട് മാധ്യമങ്ങള്‍ സഞ്ജുവിനെ അവഗണിക്കുകയാണോ എന്ന് ചോദിച്ച ചോദ്യത്തിന് മറുപടിയായാണ് സൗരവ് ഗാംഗുലി ഇക്കാര്യം വെളിപ്പെടുത്തിയത്.
സഞ്ജുവിനെ ആരും അവഗണിക്കുന്നില്ലെന്നും സഞ്ജു ഇന്ത്യയ്ക്കായി നേരത്തെ തന്നെ കളിച്ചിട്ടുണ്ടെന്നും വരുന്ന ദക്ഷിണാഫ്രിക്ക ഏകദിനത്തിൽ താരം ഉണ്ടെന്നും സൗരവ് പറഞ്ഞു. നിര്‍ഭാഗ്യവശാൽ ലോകകപ്പിനുള്ള ടീമിൽ താരത്തിന് സ്ഥാനം ലഭിച്ചില്ലെന്നേയുള്ളുവെന്നും സൗരവ് ഗാംഗുലി വ്യക്തമാക്കി.
സഞ്ജു ഐപിഎലിലും തന്റെ ഫ്രാഞ്ചൈസിയ്ക്ക് വേണ്ടി മികച്ച പ്രകടനം ആണ് പുറത്തെടുത്തതെന്നും സൗരവ് ഗാംഗുലി സൂചിപ്പിച്ചു.
