ഐപിഎലിൽ ഇന്നലെ മാച്ച് വിന്നിംഗ് ഇന്നിംഗ്സ് പുറത്തെടുത്ത ഷിമ്രൺ ഹെറ്റ്മ്യര്‍ നാട്ടിലേക്ക് മടങ്ങി. താരം തന്റെ കുഞ്ഞിന്റെ ജനനം പ്രതീക്ഷിക്കുന്നതിനാലാണ് ഗയാനയിലേക്ക് മടങ്ങിയത്.
താരം ഉടന്‍ തന്നെ ടീമിനൊപ്പം ചേരുമെന്നാണ് ലഭിയ്ക്കുന്ന വിവരം. രാജസ്ഥാന്റെ അടുത്ത മത്സരം ഡൽഹി ക്യാപിറ്റൽസിനെതിരെ മേയ് 11ന് ആണ്. താരം അതിനിടയ്ക്ക് ടീമിനൊപ്പം ചേരുമോ എന്ന് ഉറപ്പില്ല.
14 പോയിന്റുള്ള രാജസ്ഥാന്‍ പോയിന്റ് പട്ടികയിൽ മൂന്നാം സ്ഥാനത്താണെങ്കിലും ടീമിന് പ്ലേ ഓഫ് സ്ഥാനം ഇതുവരെ ഉറപ്പിക്കാനായിട്ടില്ല. ഫിനിഷറുടെ റോളിൽ മിന്നും പ്രകടനം ആണ് ഹെറ്റ്മ്യര്‍ ടീമിനായി പുറത്തെടുത്തിട്ടുള്ളത്.
