സീരി എയിലെ ഒന്നാം സ്ഥാനക്കാരായ എ സി മിലാന് നിരാശ. അവർ തുടർച്ചയായ രണ്ടാം മത്സരത്തിലും സമനില വഴങ്ങി. ഇന്ന് അവർ ടൊറീനോയുമായി സമനിലയിൽ പിരിഞ്ഞു. ഇന്ന് കാര്യമായി നല്ല അവസരം സൃഷ്ടിക്കാനോ ഒരു ഗോൾ നേടാനോ മിലാന് ഇന്നായില്ല. കഴിഞ്ഞ മത്സരത്തിലും മിലാൻ ഗോൾരഹിത സമനില ആയിരുന്നു വഴങ്ങിയത്‌.
ഇതോടെ പോയിന്റ് ടേബിളിലെ മിലാന്റെ ഒന്നാം സ്ഥാനം ആശങ്കയിലായി. എ സി മിലാന് 32 മത്സരങ്ങളിൽ നിന്ന് 68 പോയിന്റാണ് ഇപ്പോൾ ഉള്ളത്. നാപോളിക്ക് 32 മത്സരങ്ങളിൽ നിന്ന് 66 പോയിന്റും. ഇന്റർ മിലാന് 32 മത്സരങ്ങളിൽ 66 പോയിന്റുമാണ് ഉള്ളത്. ഇന്റർ മിലാൻ അവരുടെ ബാക്കിയുള്ള ആ ഒരു മത്സരം വിജയിച്ചാൽ എ സി മിലാനെ മറികടന്ന് ലീഗിൽ ഒന്നാമത് എത്തും.
