പാകിസ്ഥാനെതിരായ ഓസ്ട്രേലിയയുടെ മൂന്നാം ടെസ്റ്റിന്റെ രണ്ടാം ഇന്നിംസിലെ തന്റെ ഇന്നിങ്സോടെ സ്റ്റീവ് സ്മിത്ത് ടെസ്റ്റിൽ ഏറ്റവും വേഗത്തിൽ 8,000 റൺസ് തികച്ച താരമായി. തന്റെ 151-ാം ഇന്നിംഗ്സിലാണ് അദ്ദേഹം ഈ നേട്ടം കൈവരിച്ചത്. 152 ഇന്നിംഗ്‌സുകളിൽ ഈ നേട്ടം കൈവരിച്ചിരുന്ന കുമാർ സംഗക്കാരയെ ആണ് സ്മിത്ത് മറികടന്നത്. സ്മിത്തിന് ടെസ്റ്റിൽ 27 സെഞ്ചുറികളും 36 അർദ്ധ സെഞ്ച്വറികളും ഉണ്ട്.
തന്റെ 154-ാം ഇന്നിംഗ്‌സിൽ 8000 റൺസ് നേടിയ ലിറ്റിൽ മാസ്റ്റർ സച്ചിൻ ടെണ്ടുൽക്കറാണ് പട്ടികയിൽ മൂന്നാമത്. 157 ഇന്നിംഗ്‌സുകളിൽ റെക്കോഡ് സ്ഥാപിച്ച വെസ്റ്റ് ഇൻഡീസിന്റെ ഗാരി സോബേഴ്‌സൺ, 158 ഇന്നിങ്‌സുകളിൽ 8000 റൺസ് തികച്ച രാഹുൽ ദ്രാവിഡ് എന്നിവർ പിറകിൽ നിൽക്കുന്നു.
