വനിത എഫ്.എ കപ്പ് ഫൈനലിൽ സൂപ്പർ പോരാട്ടം. നിലവിൽ സൂപ്പർ ലീഗിൽ ഒന്നാം സ്ഥാനത്തുള്ള ആഴ്‌സണൽ രണ്ടാമതുള്ള ചെൽസിയെ സെമിയിൽ നേരിടും. കഴിഞ്ഞ വർഷം എഫ്.എ കപ്പ് ഫൈനലിൽ ഏറ്റ തോൽവിക്ക് പ്രതികാരം തേടി ആവും ആഴ്‌സണൽ ഇറങ്ങുക. കോവന്റി യുണൈറ്റഡിനെ 4-0 നു തകർത്ത് ആണ് ആഴ്‌സണൽ സെമിയിൽ എത്തിയത് എങ്കിൽ ചെൽസി ക്വാർട്ടർ ഫൈനലിൽ ബ്രിമിങ്ഹാം സിറ്റിയെ 5-0 നു തോൽപ്പിച്ചു.
രണ്ടാം സെമിഫൈനലിൽ 2018/2019 ലെ എഫ്.എ കപ്പ് ഫൈനലിന്റെ ആവർത്തനം ആയ മാഞ്ചസ്റ്റർ സിറ്റി, വെസ്റ്റ് ഹാം യുണൈറ്റഡ് പോരാട്ടം ആണ് നടക്കുക. ഇപ്സ്വിച് ടൗണിനെ 1 ഗോളിന് മറികടന്നു ആണ് വെസ്റ്റ് ഹാം സെമിയിൽ എത്തിയത് എങ്കിലും ക്വാർട്ടറിൽ മാഞ്ചസ്റ്റർ സിറ്റി എവർട്ടണിനെ എതിരില്ലാത്ത 4 ഗോളുകൾക്ക് തകർത്തു. ഏപ്രിൽ 16, 17 തീയതികളിൽ ആണ് എഫ്.എ കപ്പ് സെമിഫൈനൽ മത്സരങ്ങൾ നടക്കുക.
